ශ්‍රී ලංකාවේදී, ඔහු විශ්ව නිකේතන් ජාත්‍යන්තර සාම හා භාවනා මධ්‍යස්ථානයේ ආතතිය අවම කිරීමේ වැඩසටහන ආරම්භ කිරීම සඳහා වෛද්‍ය දැනුම සමඟ සතිමත් බව පාදක ආතතිය අඩු කිරීමේ වැඩසටහන මුසු කළේය. මෙය බොහෝ දෙනෙකුට ඔවුන්ගේ ජීවන තත්ත්වය ඉහළ නංවා ගනිමින් පෞරුෂය නැවත අවදි කර ගැනීමට උපකාර විය.
මානව වර්ගයා සඳහා විශේෂඥ වෛද්‍ය මාරසිංහ මහතාගේ ප්‍රධාන දායකත්වය වන්නේ ‘මව් පදවියට දහම් ප්‍රවේශයක්’නම් වූ සුවිශේෂී වැඩසටහනක් සංවර්ධනය කිරීමයි. මෙම වැඩසටහන පුරාණ ප්‍රඥාව හා නවීන විද්‍යාත්මක චින්තනය ඒකාබද්ධ කර මව්කුසේ අවදියේ සිට පවුල් ජීවිතය නංවාලීමට කටයුතු කරයි. මෙම අඛණ්ඩ අධ්‍යාත්මික ගමන දැනටමත් රටේ අනාගත දෙමාපියන් 30000 කට අධික පිරිසකගේ හදවත් සහ මනස ස්පර්ශ කර ඇත.
දක්ෂ ලේඛකයෙකු සහ විද්‍යුත් මාධ්‍ය ඉදිරිපත් කරන්නෙකු ලෙස ඔහු පොත් 45 කට අධික ප්‍රමාණයක් ප්‍රකාශයට පත් කර ඇති අතර දේශීය ජනතාව සඳහා බොහෝ දේශන පවත්වා ඇත. මූලික ‛හත යෝග’ පද්ධති පිළිබඳ ඔහුගේ අත්දැකීම් සමඟින්, ප්‍රජාව තුළ බහුලව දක්නට ලැබෙන ආතති සහගත තත්ත්වයන් පාලනය කිරීමට අවශ්‍යතා ඇති බොහෝ දෙනෙකුට ඔහුගේ දායකත්වය අතිමහත් විය.
ඔහු සර්වෝදය විධායක සභාවේ සාමාජිකයෙකි. ඔහු ශ්‍රී ලංකා ප්‍රසව හා නාරිවේද වෛද්‍යවරුන්ගේ විද්‍යාලයේ බොහෝ තනතුරු හෙබවීය.
